was successfully added to your cart.

Opið fyrir skráningar 2020

By May 8, 2020Fréttir

Skráning er nú hafin í FIRST LEGO League (FLL) keppnina sem haldin verður laugardaginn 14.nóvember 2020 í Háskólabíói. Markmiðið er að vekja áhuga ungs fólks á vísindum og tækni, efla sjálfstraust þeirra og lífsleikni. Síðast tóku um 180 nemendur þátt, allsstaðar að af landinu.

 
Einungis 24 lið geta skráð sig til keppni
– því er best að tryggja sér pláss strax
Skráningarfrestur er til og með sunnudeginum 31.maí

Smellið hér til að skrá skóla til þátttöku

Út á hvað gengur keppnin?

Keppendur eru á aldrinum 10-16 ára. Í hverju liði eru hámark 10 nemendur og a.m.k. einn fullorðinn leiðbeinandi. Öll lið fá senda þrautabraut í upphafi skólaárs til að undirbúa sig þar sem unnið er með nýtt viðfangsefni (þema) á hverju ári.

Keppt er í fjórum atriðum: forritun og hönnun, rannsóknarvinnu, básakynningu og vélmennakappleik.

Básakynningin er nýr liður í Legó keppninni hérlendis. Þetta þýðir að liðin mæta degi fyrr til undirbúnings á keppnisstað.. Föstudaginn 13.nóvember 2020 hittast öll keppnislið í Háskólabíói til að setja upp og undirbúa básakynningar.

Laugardaginn 14 .nóvember 2020 hittast keppnisliðin í Háskólabíói og keppa sín á milli í þraut ársins.

Í undirbúningi keppninnar læra nemendur  að beita vísindum til að leysa raunveruleg verkefni og temja sér öguð vinnubrögð við öflun heimilda, úrvinnslu gagna og skýrslugerð. Einnig læra nemendur að vinna sem liðsheild og að kynna verkefni fyrir áhorfendum.

Nauðsynlegur útbúnaður vegna keppninnar er LEGO Mindstorms EV3 vélmennið sem fæst hjá Krumma (sjá hér).
Hugbúnaður til forritunar á vélmenninu er hægt að nálgast án endurgjalds HÉR.
Grunnskólar á Reykjavíkursvæðinu sem vilja kynna sér LEGO Mindstorms geta fengið vélmenni lánuð hjá Búnaðarbanka Skóla- og frístundasviðs HÉR.

Þema keppninnar í ár
verður opinberað á næstu dögum.
Þá munum við gefa út kynningarglærur fyrir FLL2020.

Allar helstu upplýsingar er að finna bæði á heimasíðu First Lego Ísland www.firstlego.is og Facebook-síðu keppninnar.

Þátttökukostnaður

Þátttökukostnaður er 45.000 kr. á lið sem skiptist þannig: þraut ársins 20.000 kr. og keppnisgjald 25.000 kr.
Skólar sem taka þátt í keppninni í fyrsta skipti eru undanþegnir keppnisgjaldi. Einnig er hægt að nálgast eldri útgáfur af þrautabrautinni til æfingar að kostnaðarlausu hjá Háskóla Íslands, á meðan birgðir endast. Gjaldið fyrir þraut ársins fæst ekki endurgreitt. Keppnisgjaldið fæst endurgreitt ef lið dregur sig úr keppni fyrir 1. október 2020.

 

Með góðri kveðju
F.h. LEGO teymis Háskóla Íslands,

Ragna Skinner
Verkefnisstjóri – Markaðs- og samskiptasvið Háskóla Íslands
ragnaskinner@hi.is – s: 525 4207

Davíð Fjölnir Ármannsson
Verkefnisstjóri – Náttúru- og verkfræðisvið Háskóla Íslands
davidfa@hi.is  – s: 525 4611