Sigurvegarar FLL keppninnar árið 2011, Hornsílin frá Grunnskóla Hornafjarðar
Lið Grunnskóla Hornafjarðar, Hornsílin, stóð uppi sem sigurverari í LEGO-hönnunarkeppni grunnskólabarna, First Lego League, sem fram fór á Háskólatorgi laugardaginn 12. nóvember. Liðið atti kappi við átta lið frá grunnskólum víða af landinu og hafði betur. Það verður því fulltrúi Íslands á Evrópumóti First Lego League í Þýsklandi á næsta ári.
Alls voru hátt í 100 krakkar í níu liðum frá jafnmörgum skólum skráðir til leiks og voru þau á aldrinum 10-15 ára. Keppni hófst snemma á laugardagsmorgun þegar þátttakendur glímdu við fyrstu þrautina af fimm í keppninni. Þar höfðu keppendur smíðað vélmenni úr tölvustýrðu LEGO-i sem er forritað til að leysa tiltekna þraut. Önnur þrautin snerist um vísindalega rannsókn á ákveðnu efni. Í þetta sinn snerist verkefnið um fæðuöryggi (e. food factor)
Í þriðja lagi héldu keppendur ítarlega dagbók um undirbúning fyrir keppnina og í fjórða lagi fluttu þeir frumsamið skemmtiatriði. Í síðustu þrautinni áttu liðin að gera grein fyrir því hvernig þau forrituðu vélmennið sitt í fyrstu þrautinni en þar reyndi á þekkingu þátttakenda á eigin búnaði.
Þegar upp var staðið sigruðu Hornsílin frá Höfn samanlagt og hlutu einnig fern verðlaun til viðbótar, fyrir bestu lausn í þrautabraut, fyrir bestu lausn í hönnun á vélmenni og forritun, bestu dagbókina og bestu liðsheildina. Hópinn skipa tíu nemendur úr 7. bekk Grunnskóla Hornafjarðar og nutu þau leiðsagnar liðsstjórans Eiríks Hanssonar, kennara við skólann. Frammistaða liða var góð og voru rannsóknaverkefnin enn metnaðarfyllri en í fyrra.
Verkfræði- og náttúruvísindasvið Háskóla Íslands hélt utan um keppnina en bakhjarlar hennar voru Nýherji, Verkfræðingafélag Íslands, Samtök iðnaðarins og Matís. Er þeim færðar kærar þakkir fyrir.
Áskorunin að þessu sinni fyrir FLL tengist matvælum, þemað er Food Factor. Þar munu liðin rannsaka fæðu öryggi
Eins og áður er keppnin tvískipt, annars vegar þar sem vélmenni er smíðað og forritað og rannsóknarverkefnið. Liðin þurfa að taka þátt í báðum þáttum til að eiga möguleika á verðlaunum.
Keppnin verður haldin að þessu sinni á Háskólasvæðinu nánar tiltekið á Háskólatorgi (við hliðina á Aðalbyggingunni) Laugardaginn 12. nóvember.
Hér má finna áskoruna í heild sinni á ensku Food Factor 2011
Hér má finna myndband sem sýnir hvernig vélmennið vinnur við að leysa brautina sem keppt er á Þrautabraut
Lið Hornafjarðar tók þátt í keppninni í Delft nú í júní, þau hafa skrifað ferðasögu sem má lesa hér:
Frumurnar
Opna Evrópumeistaramót FLL verður haldið í Delft Hollandi 2-4 júní 2011. Yfir 60 lið frá 50 mismunandi löndum koma til með að taka þátt. Frumurnar sigurlið keppninnar hér heima kemur til með að taka þátt fyrir Íslands hönd. Við óskum þeim góðs gengis í keppninni.
Hægt er að nálgast upplýsingar um keppnina á: FLL OEC 2011 Delft
Frumurnar lið Grunnskóla Hornafjarðar er FLL sigurvegari þetta árið. Liðið vann einnig keppnina í þrautabrautinni. Við óskum þeim til hamingju með sigurinn sem var fyllilega verðskuldaður. Önnur úrslit voru sem hér segir:
Besta rannsóknaverkefið, Sikkpakk, Grunnskóli Fáskrúðsfjarðar
Besta hönnun og forritun á vélmenni: Heilastormarnir, Lækjarskóli
Besta dagbókin: Gulu kúrubangsarnir, Brúarásskóli
Besta skemmtiatriðið: Elgrilló, Seyðisfjarðarskóla
Besta liðsheildin: Róbóbóbó, Salaskóla
Besta lausn í þrautabraut: Frumurnar, Grunnskóla Hornarfjarðar
Stjórn FLL á Íslandi þakkar þátttakendum, liðstjórum og öðrum fyrir skemmtilega keppni sem fór fram úr okkar björtustu vonum.
Klukkan 10 stundvíslega hófst keppnin þetta árið. Liðin eru 12 sem keppa þetta sinnið. Hér er hægt að nálgast
FLL dagskra 2010 Hér er mikil stemning meðal þátttakenda.
Keppnin verður haldin hjá Keili laugardaginn 13. nóv frá klukkan 9-17. Að þessu sinni verður notaður annar hluti hússins. Þó nokkur fjöldi liða er skráður til þátttöku og mikils stemning. Liðin utan af landi koma vel flest seinni partinn á föstudegi að Ásbrú. Beygt er út af Keflavíkurvegi og tekin hægri beygja upp á Ásbrú. Keppnin er í skólanum sem er mjög vel merktur Keili á hægri hönd. Þema keppninnar að þessu sinni er Body Forward, eðe eins og við höfum kosið að hafa yfirskriftina ,,Líkaminn lifi”
Liðin koma víðs vegar að landinu og er áberandi góð þáttaka liða af landsbyggðinni. Keppnin er haldin af Verkfræði- og náttúruvísindasviði HÍ, Barnasmiðjunni og Keili. Samstarfsaðilar eru: Kadeco þróunarfélag Keflavíkurflugvallar, Applicon, Verkfræðingafélag Íslands og Samtök Iðnaðarins. Aðstandendur vilja þakka samstarfsaðilum fyrir veitta aðstoð og velvild. Við hvetjum alla til að koma og sjá æsispennandi keppni.
Áskorunin að þessu sinni fyrir FLL liðin tengist heilbrigðistækni, þema er Líkaminn lifi (Body forward). Þar munu liðin rannsaka hvernig heilsuverkfræði er notuð til að bæta lífsgæði og lengja líf fólks. Eins og áður er keppnin tvískipt, annars vegar þar sem vélmenni er smíðað og forritað og rannsóknarverkefnið. Liðin þurfa að taka þátt í báðum þáttum til að eiga möguleika á verðlaunum.
Lið Róbóbóbó vann Lego hönnunarkeppnina þetta árið. Liðið kemur úr Salaskóla í Kópavogi. Keppnin fór fram að Ásbrú á Suðurnesum. Lið Róbóbóbó vann Lego hönnunarkeppnina þetta árið. Liðið kemur úr Salaskóla í Kópavogi. Keppnin fór fram að Ásbrú á Suðurnesum. Vegna bilunar í hugbúnaði hefur ekki verið gerlegt að tilkynna úrslit fyrr en nú. Á þessum hlekk má sjá myndir og smá umfjöllun um keppnina. Nánari umfjöllun um úrslit verða birt innan tíðar.
Comments Off 
Themocracy