Fyrir leiðbeinendur

First Lego League Ísland er keppni fyrir rúmlega 20 lið sem koma alls staðar af af landinu.
Í hverju liði eru 4-10 ungmenni á aldrinum 10-16 ára og a.m.k. einn fullorðinn leiðbeinandi.

Þar sem verkefnið er þverfaglegt eru möguleikarnir miklir fyrir leiðbeinendur að nýta sér sína eigin sérþekkingu og kunnáttu og hentar verkefnið flestum þeim sem starfa með ungmennum á aldrinum 10-16 ára, hvort sem það eru kennarar eða starfsmenn grunnskólanna, starfsmenn félagsmiðstöðva, foreldrar o.s.frv.

Ekki þarf að vera sérfræðingur í sérstakri grein heldur vera sá leiðbeinandi sem heldur vel utan um liðið og styður þau í gegnum allt ferlið.

Háskóli Íslands heldur utan um Facebook-hóp fyrir leiðbeinendur og biður alla leiðbeinendur að vera með í Hjálparhópi Leiðbeinenda.

Þraut ársins 2020

Þema ársins er REPLAY

“Vertu leikbreytir! (e. game changer)
Þú komst ekki á völlinn einungis til að spila leikinn. Þú komst til að endurskilgreina og umturna leiknum og breyta því hvernig leikurinn er spilaður. Þinn tími er kominn.
Nú er tími til kominn til að breyta því hvernig við leikum og hreyfum okkur.
Það er kominn tími til að gerast leikbreytir!”

Yfirlit yfir áskorun ársins 2020

Leiðbeiningar við að smíða sitt eigið æfingaborð

Leiðbeiningar við að kubba þraut ársins

Reglur fyrir vélmennakappleikinn 2020

Nýjustu uppfærslur á reglum 2020

Áhugaverðar handbækur gefnar út af Alþjóðlega FLL teyminu (handbækur frá Skandinavísku keppninni munu birtast eftir 12.september:

Team meeting guide

Engineering handbook

Frekari upplýsingar má einnig finna á alþjóðlega vef First Lego League

Nauðsynlegur útbúnaður

Þraut ársins

Öll skráð lið fá senda þraut ársins í ágúst. Þraut ársins (nokkurs konar þrautabraut) tengist þema ársins hverju sinni. Þrautinni er komið fyrir á þar til gerðu æfingaborði sem hægt er að smíða sjálfur smkv. leiðbeiningum frá First Lego League.

LEGO Mindstorms EV3 Vélmennið

Nauðsynlegt er fyrir liðin að eiga eða hafa aðgang að LEGO Mindstorms EV3 vélmenninu.
Vélmennið býður upp á fjölmarga möguleika:

  • Hægt er að tengjast vélmenninu í gegnum WiFi og Bluetooth og forrita aðgerðir sem vélmennið svo framkvæmir.
  • Hægt er að notast við mótara, ljósaskynjara, litaskynjara, horngráðuskynjara, hljóðskynjara og snertiskynjara.
  • Auðvelt er að forrita aðgerðir í vélmenninu og tekur stutta stund að læra á kerfið.
  • Hugbúnaðurinn fyrir vélmennið er ókeypis og fáanlegur fyrir PC/Mac og iPad/Android spjaldtölvur.

Söluaðili Lego Mindstorms EV3 á Íslandi er Krumma.

Í hverju er keppt?

VÉLMENNAKAPPLEIKUR

  • Liðin keppa tvö og tvö saman.
  • Þrautir ársins leystar á þar til gerðri þrautabraut með legó-þjarkinum.
  • Stig fást fyrir hverja leysta þraut.
  • Besta umferðin gildir.
  • Kynnið ykkur reglur brautar og stigagjöf vel!

VÉLMENNAFORRITUN OG HÖNNUN

  • Liðið hittir forritunardómara í lokuðu rými.
  • EINUNGIS liðið má svara spurningum.
  • Hönnun og forritun vélmennis könnuð – sýnt og spjallað.

RANNSÓKNARVERKEFNI

  • Tekist á við raunverulegt vandamál/verkefni í nærumhverfinu, tengt þema ársins.
  • Frumleg lausn/hönnun fundin.
  • Niðurstöðum deilt með öðrum í kynningu á sal.

LIÐSHEILD

  • Liðin setja upp bás í anddyri Háskólabíós til að kynna sig og sitt verkefni.
  • Liðsheildardómarar ganga á milli bása og kynnast liðunum.
  • Liðin hvött að fara á milli bása og kynnast hvert öðru.

Yfirlit yfir áskorunina 2020

Hlutverk leiðbeinenda
  • Halda utan um liðið og sjá um að skrá það til leiks.
  • Vera liðinu hvatning.
  • Sjá til þess að allir njóti sín, fái verkefni við hæfi, læri sem mest og hafi gaman af.
  • Munið að liðið sjálft tekur ákvarðanir! - "Góður leiðbeinandi leiðbeinir og leiðir ferlið - en ekki innihaldið!"

Kjörið er fyrir leiðbeinendur að nýta sér skemmtilega hópeflisleiki frá First Lego League Scandinavia.

Helstu dagsetningar 2020
  • 31. maí: lokað fyrir skráningu (24 skólar/lið geta skráð sig, eftir það er biðlisti)
  • Ágúst: þraut ársins opinberuð
    • brautir koma til landsins og sendar til skólanna
  • 17. ágúst: námskeið fyrir leiðbeinendur í Vísindasmiðju Háskóla Íslands
  • 13. nóvember: uppsetning bása
    • öll keppnislið mæta í Háskólabíó til að stilla upp
      fyrir bása-kynningar
  • 14. nóvember: LEGOkeppnin í Háskólabíó
  • 28. nóvember: Norræn úrslitakeppni í Ålesund
Skráning og kostnaður

Skráningu í First Lego League 2020 er nú lokið.

Skráning fer fram hjá Háskóla Íslands í apríl - júní ár hvert.

Einungis 24 lið komast að, svo mælt er með tímanlegri skráningu.

Þátttökukostnaður er 45.000 kr á hvert lið sem skiptist eftirfarandi:

  • 20.000 kr fyrir þraut ársins
  • 25.000 kr í keppnisgjald.

Starfsstöðvar (skólar og félagsmiðstöðvar) sem taka þátt í keppninni í fyrsta skipti eru undanþegnar keppnisgjaldi.
Einnig er hægt að nálgast eldri útgáfur af þrautabrautinni til æfingar að kostnaðarlausu hjá Háskóla Íslands, á meðan birgðir endast.

Námskeið

Námskeið fyrir leiðbeinendur er haldið í ágúst ár hvert og fer fram í Vísindasmiðju Háskóla Íslands sem staðsett er í Háskólabíói.

Á heimasíðu Vísindasmiðjunnar má finna upplýsingar um næsta námskeið.

Mælt er með því að allir leiðbeinendur skrái sig í Hjálparhóp leiðbeinenda á Faceboook sem Háskóli Íslands sér um, þar er hægt að komast í samband við aðra leiðbeinendur, spyrja spurninga, miðla reynslu sinni o.s.frv.

Við hvetjum ykkur til að skoða leiðbeininga myndbönd frá First Lego League á Youtube þar sem farið er yfir þrautir fyrri ára og þar munu birtast myndbönd fyrir þraut ársins.

Einnig er mælt með því að leita vel á netinu, því finna má keppendur um heim allan sem eru einnig að spreyta sig á First Lego League-þrautinni, hafa spurningar og miðla reynslu sinni.

Gagnlegar upplýsingar um First Lego League og keppnir um allan heim má finna á alþjóðlegri síðu FLL.

Fyrir keppnina

Nöfn keppenda

Mikilvægt er að skrá upplýsingar um liðið. Leiðbeinendur þurfa að senda inn upplýsingar um liðið sitt (rafrænt) að lágamarki fjórum vikum fyrir keppnisdag á þar til gert skráningarskjal. Einnig þarf að taka fram óski lið eftir gistingu í Reykjavík, hingað til hefur Hagaskóli verið keppninni innan handar og boðið liðum gistingu.

Skráning þessi er nýtt við undirbúning á keppninni, gerð viðurkenningarskjala, innkaup á hádegismat fyrir þátttakendur of fleira.

Gangið því úr skugga um að upplýsingar séu rétt slegnar inn.

Eftirfarandi upplýsingar þurfa að koma fram:

  • Nafn liðs, nafn skóla, full nöfn allra keppenda og full nöfn leiðbeinenda.
  • Ef um einhver fæðuofnæmi er að ræða.
Keppnisdagurinn

Liðin mæta daginn fyrir keppni til að stilla upp básnum sínum í anddyri Háskólabíós.

Á keppnisdeginum sjálfum fær hvert lið eigin dagskrá og fer á milli svæða í Háskólabíó til að:

  • kynna rannsóknarverkefnið sitt (í sal)
  • vera með básakynningu (í stóra anddyri)
  • hitta liðsheildardómara (á básnum sínum í stóra anddyri)
  • hitta forritunardómara (í lokuðu herbergi)
  • keppa í vélmennakappleik (í stóra sal - streymt beint á netinu)
  • nota æfingaborð (í bíó-anddyri)
  • taka þátt í sameiginlegri dagskrá
  • nærast
  • skoða sýningarsvæðið
  • fá verðlaun
  • njóta og hafa gaman!
Dómarablöð

Dómarar keppninnar fara eftir fyrirfram ákveðnum matsblöðum.

Dæmi um dómarablöð fyrir keppnina 2020:

Verðlaun
  • Besta rannsóknarverkefnið
  • Besta liðsheildin
  • Besta hönnun og forritun á vélmenni
  • Vélmennakappleikur
  • FLL meistari - boðið að keppa fyrir hönd Íslands í First Lego League Scandinavia keppninni