Category

Fréttir

Dómarablað fyrir keppni ársins

By | Fréttir | No Comments

Nú styttist óðum í keppni ársins en hún verður haldin laugardaginn 11.nóvember. Lið keppast nú við að undirbúa sig, safna gögnum og gera rannsóknir. Því er rétt að athuga hvað dómarar koma til með að skoða. Hér má sjá skjal sem dómarar keppninnar munu fylgja. Gangi ykkur öllum vel! 

Við minnum á fésbókarhóp leiðbeinenda auk þess sem leiðbeinendum og öðrum er bent á að hafa samband við Birgi á birgira[hjá]hi.is  eða Hjörvar á hjorvar[hjá]hi.is eða í síma: 525-4207 ef eitthvað er óljóst.

Keppnisbrautin í ár

By | Fréttir | No Comments

Líkt og áður hefur komið fram er þema keppninnar í ár VATN (HydroDynamics). Nú styttist verulega í að verkefni keppninnar verði gerð opinber en það verður gert þann 29.ágúst. Ástæða þess að verkefnin eru opinberuð á sama tíma alls staðar er svo allir keppendur sitji við sama borð og enginn hafi forskot þegar kemur að því að leysa þrautirnar. 

Nú hafa vonandi öll keppnislið fengið sínar brautir í hendur og geta því byrjað að setja hana saman til að vera tilbúin þegar verkefnið verður kynnt. Hér má sjá hvernig brautin lítur út í ár en sama snið er á keppnisborðinu um allan heim. 

Ástæða er til að minna á fésbókarhóp leiðbeinanda þar sem leiðbeinendur geta skipst á skilaboðum um gang æfinga. Eins er vert að minna á tengiliði keppninnar sem nálgast má með því að smella hér.

Keppnin í ár

By | Fréttir | No Comments

FLL

FIRST LEGO League keppnin árið 2017 verður haldin 11. nóvember. Markmiðið keppninnar er að vekja áhuga ungs fólks á vísindum og tækni, sem og að efla sjálfstraust, leiðtogahæfni og lífsleikni.

 

Skráningu er lokið en frekari upplýsingar munu koma hér von bráðar.

 

Leiðbeinendur eru hvattir til þess að fylgjast með uppfærslum á hjálparsíðu FLL á Facebook.

 

Keppni hafin!

By | Fréttir | No Comments

Jæja, nú eru um 250 keppendur og leiðbeinendur mættir til að taka þátt í FIRST LEGO League á Íslandi.

Hægt verður að fylgjast með keppninni beint á hér að neðan eða á https://youtu.be/EDVsk027yhg

Einnig verður hægt að fylgjast með keppninni á facebook síðu Nýherja: https://www.facebook.com/Nyherjihf/

 

Ferðasagan til Tenerife – FIRST LEGO League 2015-16

By | Fréttir | No Comments

Haustið 2015 tók Vopnafjarðarskóli í fyrsta skiptið þátt í FIRST LEGO League á Íslandi. Ákveðið hafði verið að þetta yrði skyldunámsefni í 7. bekk og því tóku allir níu nemendur bekkjarins þátt í verkefninu. Væntingar voru hófstilltar þar sem þetta var í fyrsta skiptið sem skólinn tók þátt í keppninni. Það kom því skemmtilega á óvart þegar lið skólans, „Drekarnir,“ sigraði keppnina. Stoltir keppendur sneru heim að keppni lokinni með bikar, verðlaunafé og réttindi til þátttöku í áframhaldandi keppni erlendis.

Ákveðið var að taka þátt í keppni á Tenerife þar sem 90 lið mættust frá 40 löndum, auk sextán liða yngri keppenda í FIRST LEGO League Junior. Þá hófst mikil vinna, enda að mörgu að huga fyrir keppnisferð af þessu tagi. Það þurfti að bæta við þrautum í þrautabraut, þýða rannsóknarverkefnið yfir á ensku, búa til kynningu á landi og þjóð, og útbúa veggspjald eftir forskrift keppninnar um vinnuferlið. Síðast en ekki síst þurfti að safna fé til ferðarinnar og var fjáröflunin að mestu í höndum foreldra. Fjöldi einstaklinga, fyrirtækja og stonfana styrktu hópinn, auk þess sem haldinn var opinn dagur þar sem verkefnið var kynnt. Þar var einnig hoppukastali fyrir börnin og gestir gátu keypt sér kaffi og meðlæti. Við erum mjög þakklát fyrir þessa aðstoð, en án hennar hefði ekki verið hægt að taka þátt í keppninni úti.

Þann 29. apríl var komið að brottför frá Vopnafirði. Snemma morguns mættu níu nemendur, tveir kennarar og þrír foreldrar í skólann. Þennan dag var mikill snjór var á heiðum og ófærð, en þarna sannaðist að gott er að eiga góða að því Vegagerðin flýtti opnun þennan morguninn svo hópurinn gæti mætt á réttum tíma í flug til Reykjavíkur. Föstudagurinn fór í heimsóknir í fyrirtæki og stofnanir á höfuðborgarsvæðinu, svo sem í Marel, Alþingishúsið og CCP. Þessar heimsóknir voru mjög skemmtilegar og lærdómsríkar.

Snemma á laugardagsmorgni var flogið til Tenerife. Þar sem keppnin hófst ekki fyrr en á miðvikudegi var fyrstu dögunum varið í slökun og skemmtun á „Amerísku ströndinni.“ Mánudeginum var öllum eytt í vatnsleikjagarðinum Siam Park, þar sem allir skemmtu sér mjög vel en nokkrir náðu sér í full mikið af sól. Á þriðjudeginum var farið í dýragarðinn Jungle Park og þaðan komu allir heim með mynd af sér með fuglum af ýmsu tagi og sæljóni sem gaf koss á kinn. Þar að auki rölti hópurinn um hverfin og skoðaði mannlífið …og svolítið af búðum.

Á miðvikudegi hófst alvaran þar sem mætt var í ráðstefnuhöllina Recinto Ferial í Santa Cruz til skrásetningar og uppsetningar á básnum okkar. Mikið líf var fyrir utan hölllina og strax þá byrjuðu lið að spjalla saman.

Fimmtudagur fór í æfingar í þrautabrautinni ásamt því að tekið var á mótu gestum í básnum okkar, frætt um verkefni, land og þjóð og boðið upp á harðfisk og íslenskt súkkulaði. Einnig gafst færi á að skoða verkefni annarra liða og rölta á milli og spjalla. Dagurinn endaði síðan á flottri setningu keppninnar þar sem öll lið gengu með karnivalstemmingu í skrúðgöngu inn í ráðstefnuhöllina.

Á föstudaginn hófst sjálf keppnin og var keppnin í hámarki. Keppt var á þrautabraut og þá mætti liðið einnig fyrir dómara.

Liðsfélagarnir útskýrðu forritun og hönnun vélmennisins fyrir dómurunum, kynnti rannsóknarverkefnið sem fjallaði um endurvinnslu á fatnaði og leysti úr samvinnuverkefni. Eftir það tóku við óundirbúnar fyrirspurnir og fékk hópurinn þá tækifæri til að sýna framúrskarandi enskukunnáttu sína.

Laugardagurinn var lokadagur keppninnar og síðasti dagurinn okkar á Tenerife. Þann dag var í síðasta sinn keppt á þrautabraut. Þá komu dómarar og skoðuðu básinn okkar, spjölluðu við okkur um verkefnið og það sem var til sýnis á básnum. Því miður þurftum við að leggja af stað heim áður en keppni var lokið og misstum við því af verðlaunaafhendingu og lokahófi. Það var óneitanlega mikil synd þar sem hópurinn var byrjaður að mynda góð tengsl við aðra keppendur og hefðu örugglega styrkt þau enn frekar á síðustu klukkustundunum.

Það var glaður en þreyttur hópur sem kom heim á Vopnafjörð um miðjan dag á sunnudegi eftir níu daga ævintýri.

Þrátt fyrir að Drekarnir hafi ekki náð háu stigafjölda í þrautabrautinni sjálfri og ekki komið heim með verðlaun, þá er lærdómur ferðarinnar mikill og reynslan eitthvað sem hópurinn kemur til með að búa að alla ævi.

Við viljum að lokum þakka öllum sem aðstoðuðu okkur á einn eða annan hátt að gera þessa ferð okkar mögulega.

Drekarnir

Frá Vopnafjarðarskóla

Áslaug Dóra Jörgensdóttir, Bergþóra Marín Sveinsdóttir, Filippus Freysson, Hallmar Arnarsson, Hjálmar Þráinsson,
Hera Marín Einarsdóttir, Marta Elísdóttir, Mikael Viðar Elmarsson og Sindri Þorsteinsson.

FIRST LEGO League á Íslandi 2017

By | Fréttir | No Comments
FLL

Hydro Dynamics er þemað í ár.

FIRST LEGO League keppnin árið 2017 verður haldin 11. nóvember í Háskólabíói. Markmiðið keppninnar er að vekja áhuga ungs fólks á vísindum og tækni, sem og að efla sjálfstraust, leiðtogahæfni og lífsleikni.

Uppselt er orðið í keppnina og tekur flottur hópur ungs fólks þátt. Þemað í ár er Vatn en þrautinar sem nemendur eiga að leysa verða kynntar þann 29.ágúst.

Þakkir frá FLL

By | Fréttir | No Comments
Við þökkum fyrir frábæra keppni s.l. laugardag. Dagurinn hófst á því að Jón Atli Benediktsson, rektor Háskóla Íslands og Illugi Gunnarsson, menntamálaráðherra settu keppnina í stóra salnum í Háskólabíói. Hófst svo keppnin í nær til öllum sölum Háskólabíós þar sem ótrúlegt var að fylgjast með frumlegum og skemmtilegum lausnum þátttakenda.
Síðar um daginn opnaði Vísindasmiðja Háskóla Íslands, gestum bauðst að búa til vindmyllur, kynna sér LEGO Mindstorms og fylgjast með Sprengju-Kötu.
Yfir 20 lið skráðu sig til keppni en verðlaunað var fyrir:
Liðsheild - Sigurvegarar: Obi Wan Legobi frá Flúðaskóla
Rannsóknarverkefni - Sigurvegarar: LWA frá Naustaskóla
Vélmannakappleik - Sigurvegarar: : LegoFásk frá Grunnskóla Fáskrúðsfjarðar
Hönnun og forritun - Sigurvegarar: Trashmasters frá Grunnskóla Reyðarfjarðar
Drekarnir frá Vopnafjarðarskóla urðu svo FLL meistarar en þeim gékk einstaklega vel í öllum þrautum. Þetta var í fyrsta sinn sem þau tóku þátt. Með sigrinum öðluðust þau þátttökurétt á alþjóðlegri FIRST LEGO keppni.
Óskum þeim innilega til hamingju með árangurinn.

Endilega myndirnar frá keppninni á Fésbókarsíðu okkar https://www.facebook.com/FLLaIslandi/

Nú styttist í keppni – Dagskrá og dagurinn

By | Fréttir | No Comments

FIRST LEGO League

#FIRSTlegoiceland
Laugardaginn 14. nóvember kl. 9 til 16
Háskólabíó
Allir velkomnir 

Nú er komið að því sem hátt í 200 nemendur um land allt og leiðbeinendur hafa verið að undirbúa sig fyrir. Allt er að verða tilbúið í höfuðborginni og getum við varla beðið eftir laugardeginum.

Endilega verið dugleg að taka myndir af undirbúningi ykkar á lokasprettinum og á daginn sjálfan, og setjið á Fésbókarsíðu keppninnar.

Nánari upplýsingar má svo finna á viðburðarsíðu keppninnar á Fésbókinni.

 

Förum aðeins yfir dagskrá dagsins.

 

Hér eru nokkur atriði sem þarf að hafa í huga:

Keppendur og leiðbeinendur eiga að mæta milli klukkan 08:00 og 08:30 í Háskólabíói.
Gengið er inn um aðalinngang norðan megin en ekki bíóinngang.

Klukkan 08:30 verður svo leiðbeinendafundur en á slaginu kl 9 hefst dagskráin í Stóra salnum.

Dagskrá í almennu rými:

Fjölmargt verður í boði fyrir gesti og gangandi; leikir, þrautir, tilraunir og smiðjur.

  • Vindmyllusmiðja verður á staðnum frá kl 11 til 15
  • Team Spark verður með rafknúinn kappakstursbíl
  • Sprengju-Kata verður með efnafræðitilraunir  kl 11- 14.30
  • Vísindasmiðja Háskóla Íslands verður opin kl 11 til 16
  • Krumma verður með Green City Challenge
  • Sorpa verður með skemmtilega fræðslu um ábyrgðarfulla sorpumhirðu

Allir gestir geta síðan auðvitað horft á vélmennakappleikinn í Stóra sal.

Nánar um dagskrá keppninnar

Skráning hafin fyrir næstu keppni FIRST LEGO League

By | Fréttir | No Comments

FIRST® LEGO® League (FLL) keppnin árið 2015 verður haldin laugardaginn 14. nóvember 2015.

Þriðjudaginn 9. júní hefst skráning í FIRST LEGO League (FLL) keppnina sem haldin verður laugardag 14. nóvember  2015. Markmiðið er að vekja áhuga ungs fólks á vísindum og tækni, sem og að efla sjálfstraust, leiðtogahæfni og lífsleikni. Síðast tóku um 170 börn þátt, alls staðar að á landinu.

Vinsamlegast athugið!

Í þetta sinn verður keppnin haldin í nóvember í stað janúar. Þetta er gert til þess að laga okkur að norrænum leikreglum keppninnar því við erum komin í samstarf við FIRST LEGO League Scandinavia. Þetta norræna samstarf er m.a. hugsað til þess að auðvelda vinningsliðum keppninnar hérlendis að taka þátt í keppni með öðrum Norðurlandaþjóðum.

Skráning hófst þriðjudaginn 9. júní 2015 og fer fram á rafrænu skráningarformi hér. Skráningarfrestur rennur út 20. ágúst nk. Síðast gátu færri tekið þátt en vildu og við minnum á að fyrstur kemur, fyrstur fær.

Út á hvað gengur keppnin?
Keppendur eru á aldrinum 10-16 ára. Í hverju liði eru hámark 10 börn og a.m.k. einn fullorðinn liðsstjóri. Athugið að liðsstjórar geta verið foreldrar og/eða starfsfólk skólans. Öll lið fá senda þrautabraut í upphafi skólaárs til að undirbúa sig þar sem unnið er með nýtt viðfangsefni á hverju ári.

Laugardaginn 14. nóvember 2015 hittast keppnisliðin í Háskólabíói og keppa sín á milli í þraut ársins.

Í undirbúningi keppninnar læra nemendur  að beita stærðfræði og vísindum til að leysa raunveruleg verkefni og temja sér öguð vinnubrögð við öflun heimilda, úrvinnslu gagna og skýrslugerð. Einnig læra nemendur að vinna sem liðsheild og að kynna verkefni fyrir áhorfendum. Ekki má gleyma því að félagsskapurinn og skemmtunin sem felst í því að leysa verkefni í hóp er veganesti fyrir lífið. Að þessu leyti eru allir þátttakendur keppninnar sigurvegarar.

Nauðsynlegur útbúnaður vegna keppninnar er Mindstorms Educations sett og tilheyrandi hugbúnaður (fæst hjá Krumma, www.krumma.is).

Þátttökugjald
Þátttökugjald er 40.000 kr. á lið. Innifalið í gjaldinu er þrautin ásamt dagskrá á keppnisdag. Skólar sem taka þátt í fyrsta skipti geta fengið senda eldri útgáfu af þrautabrautinni til æfingar að kostnaðarlausu – hér gildir einnig reglan fyrstur kemur, fyrstur fær.

Nánari upplýsingar gefur Birgir U. Ásgeirsson: birgira@hi.is